Türkiyə Pakistan və Hindistan arasında atəşkəsi alqışlayır.

Axar.az xəbər verir ki, bunu Türkiyə Prezidenti Rəcəb Tayyib Ərdoğan Azərbaycan Prezidenti İlham Əliyev və Pakistan Baş naziri Şahbaz Şəriflə Zirvə görüşündə deyib.

Türkiyə Prezidenti vurğulayıb ki, lazım gəlsə, Pakistan və Hindistan münasibətlərinin normallaşmasına vasitəçilik edə bilərlər.

Daha sonra üçtərəfli (Azərbaycan, Türkiyə, Pakistan - red.) əməkdaşlıqdan söz açan Ərdoğan bu əlaqələri inkişaf etdirmək üçün xarici işlər nazirləri arasında da görüşlərin sıxlaşdırılacağını bəyan edib.

“Türkiyə, Azərbaycan və Pakistan olaraq mütəmadi üçtərəfli Zirvə görüşləri və nazirlər toplantısı keçirərək münasibətləri daha da möhkəmləndirəcəyik. Müdafiə və nəqliyyat sahəsində əməkdaşlığa da birlikdə töhfə verəcəyik”, - o qeyd edib.