Bu ilin martında ABŞ-da keçirilən Nüvə Təhlükəsizliyi Sammitində Türkiyə Prezidenti Rəcəb Tayyib Ərdoğanla görüşdüm.

Axar.az xəbər verir ki, bu sözləri İsrailin Energetika naziri Yuval Steinitz "Röyter" agentliyinə deyib.

O, Ərdoğanla görüşün 30 dəqiqə çəkdiyini bildirib:

"Görüş zamanı Suriya böhranı, İranın Suriyadakı varlığı, terror və təbii qaz məsələlərini müzakirə etdik. Görüş çox müsbət atmosferdə keçdi. Bundan başqa nəsə demək istəmirəm. Türkiyə ilə münasibətlərin yenidən bərpa olunmasını ən çox istəyənlərdən biriyəm".

"Röyter" agentliyi bu hadisəni Mavi Mərmərə böhranından (2010-cu ilin mayı – red.) sonra iki ölkə arasında ən yüksək səviyyədə keçirilən görüş kimi qiymətləndirib.