Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
1 Oktyabr 2020


Elçibəylə bağlı dövlət sirri açıldı

Ana səhifə Gündəm
12 Punto 14 Punto 16 Punto 18 Punto

Türkiyənin "Hürriyyət" qəzeti Azərbaycanın mərhum prezidenti Əbülfəz Elçibəylə bağlı yeni bir sirri ortaya çıxarıb.

Axar.az "Saraydan çıxdı, taksiyə mindi... və yox oldu" başlığı ilə yayımlanan və Elçibəyin tarixi sammitdən əvvəl yoxa çıxmasından bəhs edən yazını təqdim edir:

"Elçibəy 1992-ci il iyunun 24-də Qara dəniz İqtisadi Əməkdaşlıq Təşkilatının sammitində iştirak etmək üçün İstanbula gəlir. Atatürk Hava Limanında təyyarədən düşən Elçibəy torpağı öpür və onu qarşılamağa gələnlərə Türkiyəni nəzərdə tutaraq "Ana vətənimiz, ata vətənimiz", - deyir.

O, Azərbaycanı Qara dəniz İqtisadi Əməkdaşlıq Təşkilatının sammitində təmsil edəcəkdi. Sözügedən sammitdə Türkiyə Prezidenti Süleyman Dəmirəl, Rusiya Prezidenti Boris Yeltsin, Ermənistan prezidenti Levon Ter-Petrosyan, Gürcüstan Prezidenti Eduard Şevardnadze, Rumıniya, Bolqarıstan, Moldova və digər ölkələrin rəhbərləri də iştirak edəcəkdi.

Sammitin keçiriləcəyi gün qonaqlar qaldıqları otel nömrələrindən çıxaraq zala toplaşırlar. Hər kəs yerində idi. Bircə "İki dövlət, bir millət" dediyimiz qardaş Azərbaycanın Prezidenti Əbülfəz Elçibəy ortalıqda görünmürdü. Bundan xəbər tutan səlahiyyətlilər hər tərəfdə onu axtarmağa başlayırlar. Prezidentin hara getdiyini Azərbaycanın dövlət nümayəndələrindən də soruşurlar. Amma heç kim Elçibəyin yerini bilmir. Vəziyyəti təcili olaraq Süleyman Dəmirələ bildirirlər.

Dəmirəl soyuqqanlı şəkildə "Məsələni şişirdib gündəmə gətirməyək. Tez Necdədi göndərin, lazım olanı etsin", - cavabını verir.

İstanbul polis rəisi Necdəd Mənzirə Elçibəyin harada olduğunu araşdırmaq üçün tapşırıq verilir. Polis rəisi əmri alandan sonra axtarışlara başlayır, oteldə ilk ip ucunu tapır. Məlum olur ki, Elçibəy səhər tezdən oteldən çıxıb və küçədəki taksilərdən birinə minərək harasa gedib.

İstanbul polisi dərhal səfərbər olur. Elçibəy qısa müddətdə Anadolu yaxasında, Salacak sahilində bir taksidə tapılır. Polislər Azərbaycan prezidentinin oturduğu taksiyə yaxınlaşır və özlərini təqdim edirlər. Onlar prezidentə necə kömək edə biləcəklərini soruşurlar. Elçibəy isə polislərə "Mən Türkiyənin aşiqiyəm. İstanbula heyranam, ana vətənimizə gəlmişkən atalarımızın yaşadığı Topqapı sarayını seyr etmək istədim", - deyir.

Polislər Azərbaycan prezidentinin tapılması haqda İstanbulun polis rəisinə məlumat verirlər. Bu xəbər dərhal Dəmirələ çatdırılır. Elçibəy də polis maşını ilə sammitin keçirildiyi Çırağan sarayına gətirilir və öz yerini tutur. Bundan sonra Dəmirəl bu hadisənin dövlət sirri olaraq gizli saxlanılması barədə göstəriş verir.

Tarix
2016.06.21 / 08:00
Müəllif
Aqşin Evrən
Şərhlər
Digər xəbərlər

Ordumuza dəstək üçün sahibkarlara müraciət edildi

Türkiyənin Qarabağ bəyanatı Makronu "çox narahat" etdi

Bakı xəbərdarlıq etdi, ancaq tədbir görülmədi - Səfir

Ermənistanın “aktiv hücum“ strategiyası... - Alman nəşri

Əliyev qarşıya ciddi məqsəd qoyub - Konqres sədri

Təhsil sistemi ilə bağlı NK-dan - Qərar

Ağdamda 97 ev və obyekt dağıdıldı

Yaxın Şərqdən olan erməni etiraf edir ki... - Hikmət Hacıyev

Əgər tərəflər danışıqlar masasına otursa... - Kavtaradze

Ermənilər mülki obyektləri vurur, qarşı tərəf isə... - Avstriya KİV

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla