Bakıda 27-29 iyun tarixlərində MDB-nin Standartlaşdırma, Metrologiya və Sertifikatlaşdırma üzrə Dövlətlərarası Şurasının üzv dövlətlərinin 49-cu iclası keçiriləcək.

Axar.az xəbər verir ki, iclasda Azərbaycan Standartlaşdırma, Metrologiya və Patent üzrə Dövlət Komitəsi ilə yanaşı, ABŞ ASTM Beynəlxalq Qurumu, Ukrayna Milli Akkreditasiya Agentliyi, Belarus Standartlaşdırma üzrə Dövlət Komitəsi, Qırğızıstan İqtisadiyyat Nazirliyi yanında Standartlaşdırma və Metrologiya üzrə Mərkəz, Qırğızıstan Akkreditasiya Mərkəzi, Qazaxıstan Texniki Tənzimləmə və Metrologiya Komitəsi, Milli Akkreditasiya Mərkəzi, Rusiya Federasiyası Texniki Tənzimləmə, Standartlaşdrıma və Uyğunluğun qiymətləndirilməsi Komitəsi, Texniki Tənzimləmə və Metrologiya üzrə Federal Agentlik, Ticarət və Sənaye Nazirliyi, Dövlət Metrologiya İnstitutu, Dövlət Akkreditasiya Mərkəzi, Moldova Milli Akkreditasiya Mərkəzi, Polşa Standartlaşdırma Komitəsi, Latviya İqtisadiyyat Nazirliyinin Milli Standartlar İnstitutunun rəhbər şəxsləri və digərləri iştirak edəcəklər.

İclas 27 iyun saat 09.30-da "Holidey İnn" otelində öz işinə başlayacaq.