Ana səhifə Gündəm |
Dünyanın 228 layihəsi arasından seçilən Azərbaycan startapı Yaponiyada keçirilən Qlobal "G-Startap" müsabiqəsində ilk 25-liyə daxil olub.
Axar.az xəbər verir ki, 52 ölkədən təqdim olunmuş və "Q-Startap Vorldvayd Tokio Top 25" adı altında müəyyənləşən layihələr sırasında Azərbaycanın "BetKlip" layihəsi yer alıb.
Növbəti mərhələdə Tokioda qiymətləndiricilər tərəfindən 25 layihə arasından 8 layihə seçiləcək və bu mərhələyə keçmiş layihələrin adları iyunun 24-də müsabiqənin rəsmi Feysbuk səhifəsində elan ediləcək.
Mükafat fonduna əsasən, ikinci yerin qalibi 20 000 dollar məbləğində investisiya mükafatına layiq görüləcək. İlk yerin qalibi isə 50 000 dollar məbləğində investisiya mükafatı qazanacaq.
Sentyabrda baş tutacaq "Startap Vorldvayd Qlobal Finals"da rəqabəti udanlar 250 000 dollar investisiya ilə mükafatlandırılacaqlar. Finalçılar Ququl şirkətinin qərargahında 3 günlük butkempdə (komandaya bütün günü məşq imkanı verən mühit) də iştirak edə biləcəklər.
Tarix
2016.06.25 / 00:14
|
Müəllif
Axar.az
|