Rusiya-Azərbaycan münaqişəsi iki tərəf arasında yaranmış informasiya uçurumunun göstəricisidir.

Axar.az xəbər verir ki, bunu rusiyalı politoloq Aleksey Naumov deyib.

“Rusiya mətbuatında Azərbaycanın “qətldə şübhəli” bilinən etnik azərbaycanlıların saxlanmasından narazı olması ilə bağlı iddialara tez-tez rast gəlmək olar. Bu arada, Azərbaycan seqmentində, əslində, istər mediada, istərsə də Teleqram kanallarında həbsin özü ilə bağlı heç bir şikayət yoxdur, mən belə bir şey görməmişəm. Azərbaycan tərəfinin narazılığı odur ki, (rəsmi səviyyədə belə deyilir) bu həbs zamanı iki nəfər ölüb. Onlar müqavimət göstərmədən və ya atışma olmadan ölüblər, ancaq rəsmi versiyaya görə infarktdan ölüblər. Paradoks odur ki, ölənlərin cəsədləri Azərbaycana təhvil verilib, fotoşəkilləri dərc olunub. Bu görüntülərə baxmaq çətindir: cəsədlər qançırlar, hematomalar və zədə əlamətləri ilə doludur. Baş verənlərin araşdırılması ilk növbədə bizim üçün, Rusiya üçün, cəmiyyət üçün, hüquq sistemimiz üçün zəruri və vacibdir. Xarici siyasətimizin də buna ehtiyacı var”, - o bildirib.