Məsud Pezeşkianın Xankəndidə səmimi münasibətinə qəzəblənən bəzi insanlar illərlə ehtiyatsızlıq və tədbirsizlik edərək İsrailin Araz sahilinə qədər sızmasına yol açdılar.

Axar.az xəbər verir ki, bunu İranın əmək nazirinin müavini Rza Kəhuli özünün X səhifəsində yazıb.

“Milli təhlükəsizlik qəzəblə əldə edilməz! Onun təmin olunması üçün fəal və ağıllı diplomatiya lazımdır”, - nazir müavini əlavə edib.

Qeyd edək ki, İran Prezidenti Məsud Pezeşkianın Xankəndiyə səfəri və İlham Əliyevlə səmimi görüşündən yayılan görüntülərdən sonra İranın bəzi media orqanları tənqidi materiallar dərc ediblər. Onlar Azərbaycan Respublikasının İsraillə əməkdaşlığı barədə köhnə iddiaları təkrar edib, Pezeşkianın Əliyevlə səmimi münasibətini qınayıblar.