Atatürk Hava Limanındakı terror hücumu Türkiyənin Rusiya və İsraillə münasibətləri normallaşdırmasına qarşı törədilib.

Axar.az xəbər verir ki, bu sözləri Rusiya Federasiya Şurasının Xarici Əlaqələr Komitəsinin sədri Konstantin Kosaçev deyib.

O, bu hücumun Türkiyə və Rusiya liderləri arasında dialoqu pozmayacağını bildirib:

"Bu hücumla Türkiyəyə rus diplomatların rəhbərliyi altında terrora qarşı formalaşdırılan cəbhəyə qoşulmamaq üçün xəbərdarlıq edirlər. Bu hücum Türkiyə və Rusiya liderləri arasında dialoqu pozmayacaq, əksinə, daha da yaxınlaşdıracaq. Hər şeyə rəğmən, bu gün Türkiyə xalqı ilə birgə olduğumuzu demək istəyirəm. Hadisə zamanı ölənlərin yaxınlarına başsağlığı verirəm".