Mingəçevir şəhərində vətəndaşa məxsus VAZ markalı minik avtomobilinin salon hissəsi yanıb.

"Axar.az" FHN-nin rəsmi saytına istinadən xəbər verir ki, yanğın zamanı avtomobilin içində olan 250 cücə tələf olub.

Avtomobilin qalan hissəsi yanğından mühafizə olunub. Yanğın saat 01:47-də yanğınsöndürənlər tərəfindən söndürülüb.

Bakı şəhəri, Nərimanov rayonunda da yanğın hadisəsi baş verib. Rayonda ikimərtəbəli yaşayış binasının 1-ci mərtəbəsində yerləşən ümumi sahəsi 45 kv.m olan 2 otaqdan ibarət aptekin 1 otağında 1 ədəd divan və 1 ədəd elektrik sobası yanıb.

Aptek yanğından mühafizə olunub. Yanğın saat 02:23-də yanğınsöndürənlər tərəfindən söndürülüb.