Ana səhifə Hadisə |
09:55
Azərbaycanın tanınmış jurnalisti Zöhrab Əmirxanlı bu gecə dünyasını dəyişib.
Yaxınlarının Axar.az-a verdiyi məlumata görə, bu gün Zöhrab Əmirxanlının nəşi dəfn üçün doğulduğu Şamaxı şəhərinə aparılacaq.
1958-ci ildə Şamaxıda anadan olan Zöhrəb Əmirxanlı BDU jurnalistika fakültəsini bitirdikdən sonra dövrünün məşhur "Bakı"-"Baku" qəzetində çalışıb. Daha sonra "Hurriyyət" qəzetinin baş redaktoru, "Azadlıq" qəzetinin mədəniyyət redaksiyasının redaktoru, "Şans" qəzetinin, "Gündəlik Teleqraf" qəzetinin baş redaktor müavini kimi çalışıb.
Şəkər xəstəliyindən əziyyət çəkən Z.Əmirxanlı son illərdə mətbuatla kənar müəllif kimi əməkdaşlıq edirdi.
Z.Əmirxanlı tanınmış jurnalist Mehriban Əbülfətqızı ilə ailəli idi. M.Əbülfətqızı 2011-ci ildə Türkiyədə əməliyyat zamanı dünyasını dəyişmişdi.
İki qız, bir oğul övladı var.
***
Bu gecə dünyasını dəyişən tanınmış jurnalist Zöhrab Əmirxanlı toprağa tapşırılıb.
Lent.az-ın məlumatına görə, onun nəşi Şamaxıda, ata yurdunda dəfn edilib.
Dəfn mərasimində mərhumun ailə üzvləri, yaxınları və həmkarları iştirak edib.
APA TV-nin həmkarımız haqda hazırladığı verilişi təqdim edirik:
Tarix
2017.05.02 / 16:44
|
Müəllif
Kult.az
|