Mərhum bəstəkar Tahir Əkbərin əməkdar artist Aybəniz Haşımova ilə birlikdə oxuduğu mahnı yayılıb.

Kult.az xəbər verir ki, videonu A.Haşımova şəxsi İnstaqram hesabında paylaşıb. Əməkdar artist bəstəkarın son günlərindən də söz açıb:

“Evimizə gəldiyi son gün, son duet... Çox keçmədi ki, o səs tarixə çevrildi. Yalnız məsum-məsum üzümüzə baxırdı, əlləri ilə hansısa işarələri bildirməyə çalışırdı. Deyəndə ki, hər şey yaxşı olacaq, fikir eləmə, əlləri ilə işarə edirdi ki, nə bilim?! Düz deyirdin, Tahir müəllim, öz mahnındakı kimi... nə sən bildin, nə mən bildim, əzizim...”

Qeyd edək ki, əməkdar incəsənət xadimi Tahir Əkbər martın 2-də uzun sürən xəstəlikdən sonra vəfat edib.