İranın paytaxtı Tehrandakı ən böyük ticarət mərkəzlərindən birində İŞİD-dən bəhs edən filmin təqdimatı müştərilərə qorxu dolu anlar yaşadıb.

Kult.az xəbər verir ki, ötən gün “Kuroş Moll ənd Sinepleks”ə hücum görüntüsü yaradan silahlı və cihadçı görünüşlü bir qrup atlı şəxs “Allahu Əkbər” sədaları ilə ticarət mərkəzini dolaşıb. Atlıların hücum etməməsindən şübhələnən insanlar baş verənləri videoya çəkib. Sonradan silahlı şəxslərin terrorçu olmadığı və iranlı rejissor İbrahim Hatamikianın çəkdiyi İranın İraq və Suriyada terrorla mübarizəsindən bəhs edən “Dəməşq saatına görə” filminin təqdimat mərasimi üçün gələn aktyorlar olduğu üzə çıxıb.

Sözügedən reklam kampaniyası sosial şəbəkələrdə sərt şəkildə tənqid olunub. Filmin rejissoru ictimai qınaqdan sonra reklam kampaniyasından xəbəri olmadığını bildirib və insanlardan üzr istəyib.