12:25

Bu vəzifəyə təyin olunmaq mənim üçün də gözlənilməz oldu. Dəvət üçün İTV rəhbərliyinə təşəkkür edirəm. Vəzifəmin öhdəsindən layiqincə gəlməyə çalışacağam.

Bu sözləri Kult.az-a açıqlamasında “Carçı” xəbərlər departamentinin direktor müavini vəzifəsinə təyin edilən keçmiş ANS-çi Kəmalə Əlisgəndərqızı deyib. O, İTV-də aparıcılıq etməsi ilə bağlı da danışıb:

“Hələ ki, aparıcılıq edəcəyim haqqında dəqiq bir söz deyə bilməyəcəyəm. Ümumiyyətlə, rəhbərliklə bu barədə hər hansı söhbətimiz olmayıb”.

Qeyd edək ki, Kəmalə Əlisgəndərqızı uzun müddət ANS-də “İç xəbər”, “Növbətçi” və digər proqramların aparıcısı olub. Daha sonra isə o, İnteraz və CVN TV-də çalışır.

Tanınmış aparıcı Kəmalə Əlisgəndərqızı İTV-də yüksək posta təyin olunub.

Bakıpost onun "Carçı” xəbərlər departamentinin direktor müavini təyin edildiyini yazmışdı.