Ana səhifə Hadisə |
Xalq artisti Samir Cəfərovun Fikrət Əmirov adına Gəncə Dövlət Filarmoniyasının direktoru vəzifəsindən istefa verməsi ilə bağlı icra hakimiyyətində məlumat yoxdur.
Bu sözləri Kult.az-a Gəncə Şəhər İcra Hakimiyyətindən Fikrət Əmirov adına Gəncə Dövlət Filarmoniyasının direktoru, xalq artisti Samir Cəfərovun tutduğu vəzifədən istefa verməsinə münasibət bildirərkən deyiblər.
İcradan verilən məlumata görə, S.Cəfərovun işdən azad olunması ilə bağlı onlara rəsmi məlumat daxil olmayıb:
“Onun vəzifəsindən istefa verməsinin səbəbləri barədə məlumatsızıq”.
Ötən gün xalq artisti Samir Cəfərovun Fikrət Əmirov adına Gəncə Dövlət Filarmoniyasının direktoru vəzifədən istefa verdiyi məlumatı yayılmışdı. Məlumatda qeyd edilib ki, Cəfərovun istefasına səbəb şəhərin rəhbər şəxslərindən biriylə münasibətlərinin gərginləşməsi olub. İddialara görə, Cəfərov şəhərin idarə və müəssisələrində Filarmoniyada təşkil edilən konsertlərə məcburi bilet satılmasına etiraz etdiyi üçün sözügedən məmurla mübahisə edib və onun tərəfindən xoşagəlməz sözlər eşidib. Məhz bu hadisədən sonra xalq artisti vəzifəsindən istefa verib.
Tarix
2018.06.12 / 09:50
|
Müəllif
Nigar İxtiyarqızı
|