Azərbaycanda yeni mədəniyyət portalı fəaliyyətə başlayıb.

Kult.az xəbər verir ki, “Nargin – Sənət adası” adı ilə işə başlayan portal ölkədə ədəbi mühitin canlanmasına, yeni sənət platformasının formalaşmasına xidmət edəcək.

İstedadlı gənclərin birgə səyi nəticəsində yaradılan sayt dünya və Azərbaycanda ərsəyə gələn sənət nümunələrini təqdim edəcək, eyni zamanda, ölkənin mədəniyyət gündəmini dəyərli nöqtələrə daşımağa çalışacaq.

Yaradıcı heyət portalın ad seçimində “Nargin.az”a üstünlük verilməsini bu adada dəfn edilən mədəniyyət, qırılan ədəbi ənənə ilə əlaqələndirir. Saytın adında cəmiyyətdə azlıq təşkil edən sənətsevərlərin ada təəssüratı yaratması da simvollaşdırılıb.

Qeyd edək ki, portalın baş redaktoru Sərdar Amindir.