1 il 4 ay baş redaktoru olduğum Metbuat.az saytından ayrıldım.

Kult.az xəbər verir ki, bunu jurnalist, şair Bahadur Seyidov Feysbuk hesabında yazıb. O, bundan sonra başqa işdə çalışacağını deyib:

“Heç bir yerdə adı olmayan saytı 1 il 4 ay ərzində ilk 5-likdə saxlamağa nail oldum. “Oldum” ona görə deyirəm ki, ora yığılmış kollektivi də mən müəyyən etmişdim. Bütün məşhurlardan tutmuş ən yüksək vəzifəli məmurlara qədər, Mətbuat.az-ı tanıdı və qəbul etdi. Gördüyüm işlər kiminsə gözünə az görünə bilər, amma Mətbuat.az-a qoyduğum enerji hədsiz idi.

Baş redaktorluq ağır işdir. Gecə saat üçdə oyanırsansa, mütləq ilk baxacağın yer sayt olur. Şənbəsi, bazarı olmayan, daim açıq bir dükandır. Bu iş elədir ki, gərək bütün maddi ehtiyaclarını ödəyə biləcək qədər əməkhaqqı alasan ki, başqa işlərə can atmayasan. Artıq yeni bir işdə özümü sınayacam. Yaxında açıqlayacam”.

B.Seyidov bildirib ki, hazırda Mətbuat.az fəaliyyətinə davam edir və kollektivdə əlavə heç bir dəyişiklik yoxdur.