Cəfər Cabbarlı adına İrəvan Dövlət Azərbaycan Dram Teatrı 137-ci mövsümünü sentyabrın 15-də şair-dramaturq İftixarın “Soyqırım tarixinin dastanı” tamaşası ilə açacaq.

Kult.az xəbər verir ki, bu barədə teatrın mətbuat katibi Teymur Bayramov məlumat yayıb. O bildirib ki, açılış mərasimi R.Behbudov adına Azərbaycan Dövlət Mahnı Teatrının səhnəsində baş tutacaq.

Türkiyədən dəvət olunmuş Anadolu Aydınlar Ocağının başqanı, professor İbrahim Öztəkin rəhbərliyi ilə ölkəmizə gələn qonaqlar mövsüm açılışında iştirak edəcəklər. Tamaşadan öncə professor İ.Öztək Bakının erməni daşnaklarından və rus bolşeviklərdən azad etməsinə həsr olunan konfrans keçirəcək.

Tamaşanın quruluşçu rejissoru və tərtibatçı rəssamı Əməkdar mədəniyyət işçisi İftixar Piriyev, musiqi tərtibatı Çingiz Xəlilovdur. Rollarda aktyorlar Natiq Həziyev, Əmrulla Nurullayev, Müdvər Nemətova, Niyaməddin Səfərəliyev, Şəbnəm Cəbrayılova, Rövşən Cəfərov, Ruhiyyə Eyvazova, Sevinc Hüseynova, Nicat Mirzəzadə, Tural Xəlilzadə, Güney Əliyeva və Bəhruz Hikmətoğlu çıxış edəcəklər.