Ana səhifə Hadisə |
“Appeal of Conscience” (“Vicdana çağırış”) Beynəlxalq Fondunun təsisçisi və prezidenti Ravvin Artur Şnayer Nizami Gəncəvi Beynəlxalq Mərkəzinin baş katibi Rövşən Muradovu qəbul edib.
Kult.az xəbər verir ki, görüşdə Nizami Gəncəvi Beynəlxalq Mərkəzinin fəaliyyəti, dinlərarası dialoqun dərinləşməsində rolu, həyata keçirdiyi layihələrlə bağlı müzakirələr aparılıb, Qlobal Bakı Forumlarının xalqlar və mədəniyyətlər arasında qarşılıqlı anlaşmanın inkişafına xidmət etdiyi vurğulanıb.
Azərbaycanda çoxəsrlik tolerantlıq ənənələrinin yəhudi və Azərbaycan xalqları arasında dostluq əlaqələrinin möhkəmlənməsində mühüm rola malik olduğu qeyd olunub.
Qeyd edək ki, Ravvin Artur Şnayer ABŞ-da və dünyada ən nüfuzlu yəhudi din xadimlərindən biri hesab olunur. 50 ildən çoxdur fəaliyyət göstərən “Appeal of Conscience” (“Vicdana çağırış”) Beynəlxalq Fondu müxtəlif dinlər arasında tolerantlıq, məhəbbət, qarşılıqlı ehtiram ideyalarını təbliğ edir.
Tarix
2018.11.06 / 17:25
|
Müəllif
Büllurə Yunus
|