Ana səhifə Hadisə |
Yazıçı Cavi Danın “Məhsəti” adlı yeni romanı çap olunub.
Kult.az xəbər verir ki, əsər Azərbaycanın ilk xanım şairi Məhsəti Gəncəvinin keşməkeşli və təzadlı ömür yolundan, yaradıcılığından bəhs edir.
Roman üzərində bir il çalışdığını deyən Cavi Dan, Məhsəti haqqında əsər yazmağın təsadüf olmadığını deyib:
“Məhsəti Gəncəvi öz dövrü üçün çox müasir və fərqli xanım olub. O, Azərbaycanın ilk qadın şairi, musiqiçisi, şahmatçısı olmaqla yanaşı, həm də şəxsi məktəbini yaradıb. Belə bir xanım haqqında çox az məlumat var. Məhsəti haqqında yazmaq ədəbiyyatımızda qadın xəttini öyrənməyə mənə kömək oldu”.
Qeyd edək ki, kitabın redaktoru yazıçı-publisist Kərim Kərimlidir.
“Məhsəti” romanı Cavi Danın sayca dördüncü kitabıdır. Yazıçı həmçinin Azərbaycan və Özbəkistanda nümayiş etdirilən “Günəşim ol”, “Uçurum” teleseriallarının ssenari və süjet müəllifidir.
Tarix
2019.01.15 / 15:50
|
Müəllif
Nərmin Əkbərli
|