15:29

Xalq artisti Naibə Allahverdiyevanın səhhəti pisləşib.

Teleqraf.com-un məlumatına görə, bu haqda artistin özü məlumat yayıb. O, iynədən şoka düşdüyünü bildirib.

"Əsəblərimlə və qan təzyiqimlə əlaqədar xəstəxanaya getdim. Həkim sistem yazdı, etdirdim. Evə gələndən sonra hiss etdim ki, üşütmə gəlir. Bütün bədənim şişməyə, ağrımağa başladı. Şoka düşdüm. Təcili yardımla məni xəstəxanaya çatdırdılar" - o qeyd edib.

***

N.Allahverdiyevanın həyat yoldaşı Yusif bəy Kult.az-a açıqlamasında xalq artistinin vəziyyətinin nisbətən düzəldiyini bildirib:

“Hazırda evdəyik. Səhhəti bir az düzəlib. Naibə xanıma təzyiqinə görə özəl klinikaların birində müalicə yazıblar. Evə uzaq olduğu üçün müalicəni başqa klinikada etdirib. Orada da vəziyyəti pisləşdiyi üçün təcili tibbi yardımla 1 saylı Kliniki Tibbi Mərkəzin Toksikologiya şöbəsinə aparılıb. Həkimlər günahı bir-birlərinin boynuna atır. Bununla bağlı şikayət edəcəyik”.