Yuxarı

Ev sahibi: Qonaq çağırdıq, Mehriban xanım da gəldi - Video

Ana səhifə Hadisə
12 Punto 14 Punto 16 Punto 18 Punto

12:31

Mayın 18-də ailəmizlə birlikdə Pir Həsən ziyarətgahına getmişdik. Orada bizə dedilər ki, Birinci vitse-prezident Mehriban xanım Əliyeva da ziyarətə gəlib. Mehriban xanımın ziyarətdən çıxdığını görən kimi yaxınlaşıb salamlaşdıq və onu evimizə qonaq dəvət etdik. Xanım da dəvətimizi qəbul edib bizə qonaq gələcəyinə söz verdi".

Bu fikirləri Report-a mayın 21-də Birinci vitse-prezident Mehriban Əliyevanın və Heydər Əliyev Fondunun vitse-prezidenti Leyla Əliyevanın ailəsində qonağı olduğu Kürdəxanı qəsəbəsinin sakini Telman Əliyev deyib.

T.Əliyev bildirib ki, Birinci vitse-prezidentin onun evində qonaq olması ailəsi üçün ən böyük hədiyyədir:

"Mayın 21-də bir də gördük ki, Mehriban xanım bizə qonaq gəldi. Çay süfrəsi açdıq, süfrə arxasında səmimi söhbət etdik. Yemək süfrəsi açmağımız üçün təklif etsək də, tələsirdilər deyə, ancaq çay içdilər. Çox sadə insandır. Söhbət əsnasında kəndimiz haqqında məlumat verdim. Biz uzun müddətdir ki, Kürdəxanıda yaşayırıq. Yəni, əslimiz də buralıdır. Kəndimizin yollarının bərpa olunmasına ehtiyac olduğunu dedim".

O, M.Əliyevaya təqdim etdiyi hədiyyədən də danışıb: "Təsəvvür edin ki, Mehriban xanım o qədər səmimi insandır ki, bizim dəvəti qəbul edib evimizə qonaq gəlmişdi. Təxminən, bir saat süfrə arxasında söhbət etdik. Mehriban xanıma dini kitablar hədiyyə etdim. Biz onu şikayət və problemlərimizi demək üçün deyil, sadəcə ailəmizin qonağı olması üçün çağırmışdıq. Ona görə heç bir şəxsi problemimizi dilə gətirmədik".

Görüşdə iştirak edən ailənin daha bir üzvü T.Əliyevin yeznəsi Emin Heydərov isə deyib ki, M.Əliyevanın onların evinə qonaq gəlməsi həmin günü yaddaqalan edib: "Birinci vitse-prezident həyətə daxil olan zaman bizimlə salamlaşıb görüşdü. O qədər sadə bir insandır ki, sanki bizimlə bir süfrə arxasında əyləşib söhbət etdiyimiz şəxs Birinci vitse-prezident deyil. Yəni, elə bir səmimi mühit yaranmışdı ki, sıxılmırdıq. Mehriban xanımın evimizə qonaq gəlməsi yaddaqalan bir gün oldu".

Qeyd edək ki, Telman Əliyev ailəsi ilə birlikdə Mərdəkan qəsəbəsində yerləşən ziyarətgahda olarkən Azərbaycanın Birinci vitse-prezidenti ilə görüşüblər və Mehriban Əliyevanı evlərinə çay süfrəsinə dəvət ediblər. Azərbaycanın Birinci vitse-prezidenti Mehriban Əliyeva və Heydər Əliyev Fondunun vitse-prezidenti Leyla Əliyeva Telman Əliyevin ailəsində qonaq olublar. Telman Əliyevin ailəsi ilə görüşdə Mehriban Əliyeva bildirib ki, qəsəbənin sosial-iqtisadi inkişafı, iş yerlərinin yaradılması istiqamətində işlər bundan sonra da davam etdiriləcək. Ailə üzvləri Kürdəxanı qəsəbəsinin inkişafına göstərdiyi diqqətə görə Azərbaycanın Birinci vitse-prezidentinə minnətdarlıq ediblər.

Tarix
2019.05.22 / 14:01
Müəllif
Kult.az
Şərhlər
Digər xəbərlər

Bakı-Tiflis əməkdaşlığı yeni sahələri əhatə edəcək

İrəvandan anklavlarla bağlı açıqlama: Sərhəd boyu...

Güneylilər Cenevrədə aksiya keçirdi

Cənubi Qafqazda “bir dövlət” silinə bilər - Tarasov

Qərb İrəvanda buna imkan verməyəcək – Ekspert

Nikol Tavuşda izah etdi: Bakı 4 kəndi istəyir, biz isə...

Stoltenberqin Bakı səfərinə Rusiyadan baxış

Bakı və İrəvan üçün sülh çox vacibdir - Video

Azərbaycan çox əhəmiyyətli ölkədir - Stoltenberq

Bu gün İlaxır çərşənbə qeyd olunur

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla