19:50

Gəncədə başlayan güclü külək şəhərdə ciddi fəsadlar törədib.

Axar.az-ın hadisə yerində olunda müxbirinin məlumatına görə, külək yolun asfalt örtüyünə ziyan vurub, küçələrdə hərəkət məhdudlaşıb. Bəzi avtomobillərə ziyan dəyib.

Küləyin fəsadlarının aradan qaldırılması istiqamətində işlərə başlanılıb.

***

Gəncədə güclü küləyin yarada biləcəyi fəsadların aradan qaldırılması ilə bağlı qabaqlayıcı tədbirlər görülür.

Bu barədə Azərişıq ASC-nin mətbuat xidmətinin rəhbəri Tanrıverdi Mustafayev deyib. O bilidirib ki, abunəçilər baş verə biləcək elektrik enerjisinin kəsintiləri ilə bağlı 24 saat fasiləsiz fəaliyyət göstərən 199 saylı "Çağrı mərkəzi" ilə əlaqə saxlaya bilərlər.

"Fərdi qaydada problem yaranarsa, əməkdaşlarımız onu operativ şəkildə aradan qaldırmaga hazırdır", - qurum rəsmisi qeyd edib.