Jurnalist Elnarə Dərziyevanın qardaşı Vüqar Dərziyevin evi qarət olunub.

Axar.az xəbər verir ki, E.Dərziyeva bu barədə Feysbuk səhifəsində məlumat paylaşıb.

E.Dərziyeva bildirib ki, onlar rayondan istirahətdən dönərkən evin yarıldığını görüblər:

“Evi alt-üst edib, qızıl-zinyət əşyalarını oğurlayıblar! Hazırda Binəqədi rayon 6-cı Polis Bölməsinin əməkdaşları, ekspertiza qrupu hadisə yerindədir. Artıq 2-ci dəfədir ki, qardaşımın evi qarət olunur. Qonşuların sözlərinə görə, son 3 ay ərzində artıq neçənci evdir ki, yarırlar!”