"Koroğlu" stansiyasında axşam saaatlarında sıxlıq olub. Platformada müşahidə edilən sıxlıq insanları narahat edib.

Axar.az xəbər verir ki, bu barədə məlumatı Bakı Metropoliteni QSC-nin mətbuat xidmətinin rəhbəri Bəxtiyar Məmmədov Oxu.az-a təsdiqləyib.

O bildirib ki, mövcud sıxlıq axşam saat 7-8 radələrində müşahidə edilib:

"Xüsusi sərnişin sıxlığı "Koroğlu” stansiyasının "Alov” parkına tərəf olan çıxışında olub. Stansiyadan çıxış qapıları açıq olub. Bu vəziyyət yalnız platformada və pilləkənlərdə 5 dəqiqə müddətində davam edib.

Platfotmanının uzunluğu təxminən 100 metrdən bir qədər artıqdır və 1 dəqiqə ərzində platformanı tərk etmək mümkündür. Xüsusilə pik saatlarda sərnişinlər bu məqamı nəzərə alaraq metrodan istifadə qaydalarına bir qədər riayət etsələr, bu kimi sıxlıqların qarşısı alınar”.