Bakının mərkəzində, Nizami küçəsində, Fəvvarələr meydanı ərazisində 2 gənc geyimlərini soyunaraq əllərində bıçaqla özlərinə xəsarət yetiriblər.

Axar.az Real TV-yə istinadla xəbər verir ki, gənclər onları bu hərəkətindən çəkindirməyə çalışan ətrafdakı insanları da bıçaqla təhdid ediblər.

Polisin xəbərdarlığına məhəl qoymayan xuliqanlar "tabe ol" əmrindən boyun qaçırıblar.

Soyuq silahı əlindən buraxmayan iki gənc hətta yaxınlaşacağı təqdirdə polisə də xəsarət yetirəcəyini bildirib.

Bir neçə dəqiqəlik xəbərdarlıqdan sonra polis iki xuliqanı saxlayıb və asayiş bərpa olub.