20:22

Lənkəran rayonunda zəlzələ baş verib.

Report-un məlumatına görə, yeraltı təkanlar saat 20:05 radələrində qeydə alınıb. Zəlzələ 3-3,5 maqnitudada olub.

İlkin məlumata görə, dağıntı və ya tələfat qeydə alınmayıb.

***

Saat 20:00-da Naxçıvan stansiyasından 110 km cənub-qərbdə Türkiyə-İran sərhədində 5,8 maqnitudada növbəti zəlzələ qeydə alınıb.

Bu barədə Azərbaycan Milli Elmlər Akademiyası nəzdində Respublika Seysmoloji Xidmət Mərkəzinə istinadən xəbər verir.

Məlumata görə, zəlzələ Naxçıvan Muxtar Respublikası ərazisində 3-4 bala qədər hiss olunub.

Qeyd edək ki, bu gün səhər saatlarında da eyni ərazidə zəlzələ baş vermiş, nəticədə Vanda 9 nəfər dünyasını dəyişmişdi.