QAFSAM-ın sədr müavini, siyasi elmlər üzrə fəlsəfə doktoru Nazim Cəfərsoyun anasından sonra qardaşı da koronavirusa yoluxub.

Axar.az xəbər verir ki, bu barədə N. Cəfərsoy Feysbuk hesabında qeyd edib. O bildirilib ki, anasının vəziyyəti ağır, qardaşının isə orta-stabildir:

“Koronovirusa yoluxmuş anamın vəziyyəti təəsüf ki, çox ağır olaraq qalır. Hazırda Mərkəzi Neftçilər Xəstəxanasının reanimasiya şöbəsində süni tənəffüs aparatına bağlı şəkildə həkim nəzarətindədir. 8 gündür süni tənəffüs aparatına bağlıdır. Anamla yaxın təmasda olan və maksimum qorunmağa çalışan qardaşımın ikinci koronavirus testi isə təəssüf ki, pozitiv çıxdı. Qardaşımın vəziyyəti hələlik orta-stabil olaraq qiymətləndirilir. Özümün ilk koronavirus testim isə neqativ çıxıb. Ancaq dəqiq nəticə üçün kompüter tomoqrafiyası da çəkdirəcəm. Ətrafda bəzi dostların qohum və yaxın tanıdıqlarında da koronavirus testlərinin pozitiv çıxdığına dair xəbərlər almışam”.