Dubayın şeyxi Məhəmməd bin Rəşid əl-Məktumun 19 övladından biri – Dubay şahzadəsi Həmdan bin Məhəmməd bin Rəşid Azərbaycanda, Bakıdadır.

Oxu.az xəbər verir ki, gənc şahzadə bir saat əvvəl şəxsi İnstagram profilində Bakıda çəkilmiş fotoşəkili paylaşıb.

Şəkil Dövlət Bayraq Meydanı yaxınlığında çəkilib.

Qeyd edək ki, yaxşı təhsil almış Həmdan Senderherst hərbi akademiyasını, bundan sonra isə London iqtisadiyyat məktəbini bitirib.

Lakin gənc şeyx təkcə siyasətə meylli deyil və boş vaxtlarında o, Fazza ləqəbi ilə şerlər yazır.

Şahzadənin hobbiləri arasında həmçinin külli miqdarda pul xərclədiyi dəvələr, avtomobillər və paraşütlə atlanma da var.

Gənc oğlanın sərvətinin ölçüsü isə 18 milyard dollara bərabərdir.