18:41

Daxili İşlər Nazirliyi Oğuz rayonunda baş vermiş insidentə münasibət bildirib.

Nazirliyin Mətbuat Xidmətinin Şəki regional qrupundan Axar.az-a bildirilib ki, iki azyaşlı arasında baş vermiş münaqişə zamanı yeniyetmələrdən biri digərinə mismara bənzər dəmirlə xəsarət yetirib.

İki yeniyetmənin münaqişəsi kütləvi xarakter daşımayıb.

RPŞ-da faktla bağlı araşdırma aparılır.

Qeyd edək ki, Report bu gün axşam saatlarında Oğuz şəhəri ərazisində dava baş verdiyi, Oğuz rayon sakini 2004-cü il təvəllüdlü Murad İmran oğlu Qədirlinin mismarabənzər dəmir parçası ilə qollarından xəsarət aldığı barədə məlumat yayıb.

Bildirilib ki, yeniyetmə Oğuz Rayon Mərkəzi Xəstəxanasına çatdırılıb, xəsarətləri yüngül olduğundan ambulator müalicə üçün evə buraxılıb.