Ana səhifə Hadisə |
Xəbər verdiyimiz kimi, Azərbaycanın xalq artisti, kinorejissor Ramiz Əzizbəyli uzun müddətdir xəstəliklə mübarizə aparır. Hazırda o, Zığ qəsəbəsində yerləşən koronavirus xəstələrinin müalicə aldığı modul tipli hospitala yerləşdirilib. 72 yaşlı aktyorun illər əvvəl yazdığı şeir sosial şəbəkələrdə insanları duyğulandırıb.
Kult.az həmin şeiri təqdim edir:
Əməl – ömür yüküdür, yaxşısı – pisi olur,
Tale yaman yüklədi, əsaya yıxdı məni.
Bəndənin kimliyini tək olan Allah bilir,
Mələklər hesabladı, yaxşıya çıxdı məni!
Bütün həyatımı qoydum qumara,
Amma nə kart bildim, nə aşığ, nə zər...
Allahın verdiyi ömrü hədərə
Yaşamaq-uduzmaq deyilmi məgər?
Özüm-öz özümlə söhbət elədim,
Özümü soruşdum bir gün özümdən.
Özüm öz haqqımda qeybət elədim,
Özüm düşdüm o dəm mən öz gözümdən.
Allah yer üzündə bol süfrə açdı,
Bəşər bu süfrədən yeməyə qaçdı.
Kimsə bir tikəyə “min şükür” - dedi,
Yerdə qalanını naşükür yedi.
Tarix
2021.06.09 / 00:29
|
Müəllif
Kult.az
|