Yevlax rayonunun Varvara kəndində "VAZ-2106" markalı avtomobil idarəetmədən çıxaraq yol kənarına aşıb.

Axar.az Report-a istinadən xəbər verir ki, qəza nəticəsində ağır xəsarət alan Yevlax rayon sakini, 2001-ci il təvəllüdlü Cəfər Pənah oğlu Səfərov xəstəxanaya aparılan zaman yolda dünyasını dəyişib.

Avtomobildə olan digər şəxslər, Varvara kənd sakinləri, 1992-ci il təvəllüdlü Sədrəddin Mahir oğlu Civəzadə, 1997-ci il təvəllüdlü Əhməd Abbas oğlu Əhmədli və 2001-ci il təvəllüdlü Sənani Kənan oğlu Bəşirov xəsarət alıb və xəstəxanaya aparılıblar.

Faktla bağlı Cinayət Məcəlləsinin müvafiq maddəsi ilə cinayət işi açılıb, araşdırma aparılır.