Bakı-Quba yolunda ölümlə nəticələnən ağır yol qəzası baş verib.

Axar.az-ın Trend-ə istinadən məlumatına görə, hadisə Bakı-Quba yolunun 140-cı kilometrliyində, Şabran rayonundan keçən hissədə qeydə alınıb.

10 0F 572 nömrəli "Mersedes" markalı mikroavtobus eyni istiqamətdə hərəkətdə olan 77 BC 230 dövlət qeydiyyat nişanlı "Şevrolet" markalı avtomobili ötmək istəyərkən toqquşub.

Hadisə nəticəsində mikroavtobus sürücüsü idarəetməni itirərək maşını aşırıb.

Qəza zamanı mikroavtobusda olan 1 nəfər - 1957-ci il təvəllüdlü Adil Ələkbər oğlu Ələkbərov hadisə yerində dünyasını dəyişib, 10 sərnişin xəstəxanaya yerləşdirilib.

Məlumata görə, mikroavtobus fəhlələri daşıyırmış.

Mikroavtobusda 14 nəfər olub.