2024.09.12. 23:18

Sosial mediada azərbaycanlı müğənninin guya fonoqram oxuduğu üçün Türkiyədə konsertdən qovulması barədə yayılan görüntülər həqiqəti əks etdirmir.

Axar.az xəbər verir ki, bu barədə sosial şəbəkədə videonu yayan şəxsin özü etiraf edib.

O bildirib ki, xarici ölkələrdən birində gördüyü videonu montaj edərək yayıb.

Qeyd edək ki, Türkiyədə guya azərbaycanlı müğənni olduğu bildirilən xanımın fonoqram oxuduğu üçün konsertdən qovulduğu məlumatını sosial şəbəkələrə istinadla media da tirajlayıb. Lakin axtarışlarda "hadisə"nin baş verdiyi tarix, məkan, o cümlədən belə bir müğənninin mövcudluğu təsdiqlənməyib.