21:15

Salyanda yük avtomobilinin çəni partlayıb, xəsarət alanlar var.

Axar.az Report-a istinadən xəbər verir ki, hadisə rayonun Şorsulu kəndində qeydə alınıb.

İlkin məlumata görə, TIR-da qaynaq işləri aparılarkən ehtiyatsızlıqdan yük maşınının çəni partlayıb. Hadisə nəticəsində rayonun Şorsulu kənd sakinləri - 1983-cü il təvəllüdlü Paşa Cabbar oğlu Əliyev və onun oğlu 2009-cu il təvəllüdlü Qismət Paşa oğlu Əlizadə müxtəlif dərəcəli yanıq xəsarətləri alıblar.

Yanıq xəsarətləri alanlar Salyan Mərkəzi Rayon Xəstəxanasına yerləşdiriliblər.

Xəstəxanada ilkin tibbi yardım alan Q.Əlizadə Bakı xəstəxanalarından birinə göndərilib.

Faktla bağlı araşdırma aparılır.

***

Salyan rayonunun Şorsulu kəndində “Mersedes” markalı yük avtomobilinin kabinəsi, 3 ədəd ön təkəri və qoşqusunun üzərinə çəkilən tent qismən yanıb.

Bu barədə FHN-dən bildirilib.

Bildirilib ki, yanğın zamanı 2 nəfər yanıq xəsarəti alıb. Yük avtomobilininin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.