Azərbaycanın "Qəbələ" futbol klubu Avropa Liqasının II təsnifat mərhələsinə yüksəlib.

Report xəbər verir ki, "Qəbələ" səfərdə Gürcüstanın "Samtredia" klubuna 1:2 hesabı ilə məğlub olub. Oyunda hesabı gürcülər açıb - Budu Zivzivadze penaltidən fərqlənib. Birinci hissənin sonlarında "Qəbələ"nin yeni ulduzu Teo Viks hesabı bərabərləşdirib. Oyunun ikinci hissəsinə əlavə olunmuş dəqiqələrdə isə "Samtredia" klubu qələbə qolunu vurub.

Lakin ilk görüşü 5:1 hesabı ilə qalib başa vuran "Qəbələ" növbəti mərhələyə yüksəlib.

Avropa Liqasının II təsnifat mərhələsində "Qəbələ"nin rəqibi MTK (Macarıstan) - "Aktobe" (Qazaxıstan) cütünün qalibiolacaq.