21:31

Avropa Liqasında II təsnifat mərhələsinin cavab oyunları keçirilir.

Axar.az xəbər verir ki, Qəbələnin eyni adlı klubu Macarıstanın MTK klubu ilə üz-üzə gəlir. Səfərdə 2:1 hesablı qələbə əldə edən Roman Qriqorçukun komandası cavab görüşündə üstünlüyü əldən verməməyə çalışacaq.

Qeyd edək ki, bu cütün qalibi III təsnifat mərhələsində Fransanın "Lill" klubu ilə qarşılaşacaq.

21:34

"Qəbələ" matçın 7-ci dəqiqəsində Sergey Zenyovun, 36-cı dəqiqəsində isə Teo Viksin qolları ilə hesabda öndədir: 2-0.

22:50

"Qəbələ" Macarıstanın MTK komandası ilə görüşdə 2-0 hesablı qələbə əldə etdi. Bu nəticə ilə təmsilçimiz III mərhələyə vəsiqə qazandı. Bu mərhələdə rəqibimiz Fransanın adlı-sanlı "Lill" komandası olacaq.