Bu gün futbol üzrə Çempionlar Liqasının qrup mərhələsində III turun son oyunları keçiriləcək.

Axar.az xəbər verir ki, gecənin mərkəzi görüşü C qrupunda baş tutacaq.

İspaniyanın "Barselona" klubu İngiltərə "Mançester Siti"sini qəbul edəcək. Bu görüşdə Xosep Qvardiola "Barselona"dan 3 xal almağa çalışacaq.

Qrupun digər oyununda Şotlandiya "Seltik"i Almaniyanın "Borussiya" (Münhenqladbax) klubunu qəbul edəcək.

Azərbaycanda kifayət qədər azarkeşi olan "Beşiktaş" isə İtaliyada "Napoli"nin qonağı olacaq.

Hazırda iki xalla B qrupunun ikinci pilləsində qərarlaşan İstanbul təmsilçisi qələbə qazanarsa, "Napoli" ilə xal fərqini 1-ə endirərək mövqeyini qorumuş olacaq.

B qrupunun digər görüşü Ukrayna "Dinamo"su (Kiyev) ilə Portuqaliyanın "Benfika" komandaları arasında keçiriləcək.