Ana səhifə İdman |
Dünən Batumi şəhərində şahmat üzrə beynəlxalq turnirə start verilib. "Şeraton" otelində 12 yaşadək uşaqlar arasında şahmat üzrə dünya çempionatının açılış mərasimində Acariya hökumət nümayəndələri, Avropa Şahmat İttifaqının sədri Zurab Azmaiparaşvili, Gürcüstan Şahmat Federasiyasının sədri Gia Qiorqadze iştirak edib.
Azərbaycanın Batumidəki konsulluğundan Axar.az-a verilən məlumata görə, mərasim zamanı Acarıstanın hökumət başçısı Zurab Pataradze ilk simvolik gedişatı edib. Turnirin acilişi zamanı Azərbaycan Respublikasının Batumi şəhərindəki Baş konsulu Rəşad İsmayılov Azərbaycanın yeniyetmə şahmatçılarını salamlayıb, onlara yarışda ugurlar arzulayıb.
Qeyd edək ki, dünya çempionatında 66 ölkədən olan 728 iştirakçı, o cümlədən Gürcüstandan 100-dən çox şahmatçı iştirak edir.
Turnir 30 oktyabr tarixində başa çatacaq.
Tarix
2016.10.20 / 14:23
|
Müəllif
Axar.az
|