Axar.az
Yuxarı

Axar.Az Logo

Cüdoçumuz “Böyük Dəbilqə”də qızıl medal qazandı

Ana səhifə İdman
12 Punto 14 Punto 16 Punto 18 Punto

Birləşmiş Ərəb Əmirliklərinin paytaxtı Əbu-Dabi şəhərində cüdo üzrə "Böyük dəbilqə" beynəlxalq turnirinə yekun vurulub.

Axar.az xəbər verir ki, yarışın sonuncu günü Azərbaycan millisi aktivinə bir qızıl və bir bürünc medal yazdırıb.

Turnirdə 100 kiloqram çəki dərəcəsində ölkəmizi təmsil edən Elxan Məmmədov mübarizəyə dörddəbir final mərhələsindən qoşulub. Qazaxıstanlı Aybek Serikbayev və xorvatiyalı Zlatko Kumriç üzərində qələbə qazanan cüdoçumuz həlledici görüşdə Braziliya təmsilçisi Lusiano Korreanı məğlub edərək qızıl medala sahib olub.

Beynəlxalq turnirdə 90 kiloqram çəki dərəcəsində mübarizə aparan Tural Səfquliyev ilk görüşündə Seyşel adalarının idmançısı Nantenaina Finessini məğlub edib. Lakin ikinci qarşılaşmasında serbiyalı Aleksandr Kukolja uduzaraq, təsəlliverici görüşə qatılıb. T.Səfquliyev bu mərhələdə braziliyalı Eduardo Bettoniyə qalib gəlib. O, növbəti rəqibi Almaniya təmsilçisi Hannes Konardı da məğlub edərək bürünc medala sahib olub.

Bu gün yarışan digər cüdoçularımızdan Cəlil Şükürov (100 kq) 7-ci yeri tutub, Firudin Dadaşov (90 kq) isə mübarizəni erkən dayandırıb.

Qeyd edək ki, turnirin ikinci günündə Rüstəm Orucov (73 kq) gümüş medal qazanıb.

Xatırladaq ki, 34 ölkədən 157 cüdoçunun (96 kişi, 61 qadın) mübarizə apardığı turnirdə Azərbaycan millisi 12 idmançı ilə təmsil olunub.

Tarix
2016.10.30 / 21:14
Müəllif
Axar.az
Şərhlər
Digər xəbərlər

Dolları çölə səpən idmançımız millidən qovuldu - Video

Ukraynadan ilk qələbə, Belçika və Niderland 1/8 finalda

Mahir Emrelinin “Legiya”da ilk het-triki - Video

"Masters" turniri: Abasovdan növbəti qələbə...

Avro-2020-nin ən sürətli futbolçuları

"Masters" turniri: Abasov məğlubiyyətsiz irəliləyir

Əliyev və Ərdoğan Türkiyə-Uels matçını izlədi - Video

Avro-2020: İlk 1/8 finalçı bəlli oldu

Danimarka-Belçika matçı 10-cu dəqiqədə dayandırılacaq

Ramos “Real”dan getdi

KULT
<>
Xəbər xətti
  
  
  
yatsan
Axar.az'da reklam Bağla
Reklam
Bize yazin Bağla