Yunanıstanda Dünya Bodibildinq və Fitnes Federasiyasının təşkilatçılığı ilə "IFBB Diamond Cup 2016" yarışları keçirilib.

Unikal.org xəbər verir ki, yarışda 100 kiloqram kateqoriyası üzrə birincilik kürsüsünə çıxan professional kultirist Giannis Maqos birinci olduğunu düşünsə də, hakimlər onu ikinci yerlə təmin ediblər. Bundan əsəbləşən Maqos məşhur hakim Armando Markezinin üzərinə gedərək onu bir yumruqla yerə sərib.

Hirsi soyumayan Maqos hakim masalarını dağıdıb. Maqosun bu hərəkəti onun idman arenasına çıxmasına uzun illər mane olacaq. Artıq federasiya idmançını ağır şəkildə cəzalandırılmasını tələb edib.