“Real Madrid” klubunun baş məşqçisi Zinəddin Zidan “El Klasiko”dan sonra matçla bağlı fikirlərini bölüşüb.

Axar.az xəbər verir ki, Zidan əzəli rəqib “Barselona” ilə 6 xallıq fərqin dəyişmədiyini deyib:

“Qazancımız 1 xal oldu. Düzdür, yaxşı nəticə qazandığımız üçün sevinirik. Ancaq bunu “Barselona”nın mənəvi ruhuna zərbə də saymaq olmaz. 6 xallıq fərq qalır. Mövsüm uzundur, irəlidə xeyli matç var.

Birinci hissədə qol vursaydıq, nəticə fərqli ola bilərdi. Rəqibin fərqlənməsi işimizi çətinləşdirdi. Nəticənin ədalətli olduğunu düşünmürəm”.

Qeyd edək ki, dünən baş tutan “Barselona”-“Real Madrid” matçı 1:1 hesabı ilə bitib.