Türkiyə millisinin və "Barselona" komandasının üzvü Arda Turan UEFA Çempionlar Liqasında 6-cı həftənin ən yaxşı futbolçusu seçilib.

Axar.az xəbər verir ki, UEFA-nın internet saytında keçirilən səsvermədə Arda rəqiblərini qabaqlayıb. 58 faizlik səs toplayan türkiyəli ulduz "Barselona"nın ÇL-nin qrupunda keçirdiyi son görüşdə Almaniya təmsilçisi "Borusiya Münhenqladbax"ın qapısına 3 qol vurmaqla bərabər, Messinin vurduğu qolun ötürməsini etmişdi.

Siyahıda növbəti pillədə "Bavariya"nın polşalı oyunçusu Robert Levandovski 17 faiz, "Dinamo Kiyev"in üzvü Andrey Yarmolenko isə 8 faizlik səslə qərarlaşıb.