Təbrizin “Traxtur” futbol komandası İran kubokunun (Cam-i həzfi) ¼ final mərhələsi çərçivəsində keçirilən qarşılaşmada qələbə əldə edib və ölkə kubokunun yarımfinal mərhələsinə vəsiqə qazanıb.

Axar.az xəbər verir ki, dekabrın 20-si yerli vaxtla saat 14:00-da Gəçsaranda bu şəhərin “Neft və Qaz” komandası ilə “Traxtur” arasında baş tutan qarşılaşma təbrizlilərin 3:1 hesablı qələbəsi ilə sona çatıb.

Azərbaycan komandası tərəfindən oyunun 18, 30 və 72-ci dəqiqələrində Şəhram Qudərzi, Fərzad Hatəmi və Məhəmməd İbrahimi fərqləniblər. “Neft və Qaz” komandası tərəfindən vurulan tək qola isə Əbdulhadi Xənifər 79-cu dəqiqədə imza atıb.

Bu nəticədən sonra “Traxtur” İran kubokunun yarımfinal mərhələsinə yüksəlib.