Axar.az
Yuxarı

Axar.Az Logo

Həsən Həsənovun nəvəsi finala çıxdı

Ana səhifə İdman
12 Punto 14 Punto 16 Punto 18 Punto

Azərbaycanlı çapar Camal Rəhimov beynəlxalq arenada uğurlu çıxışını davam etdirir.

"Axar.az"ın APA-ya istinadən verdiyi xəbərə görə, Rəhimov Fransanın Lion şəhərində keçirilən konkur üzrə Dünya Kubokunun finalına çıxıb. Dünya Kubokunun finalında il ərzində müxtəlif turnirlərdə xal toplayaraq kvalifikasiyanı keçə bilən çaparlar iştirak edirlər.

Camal Rəhimov son dərəcə güclü və uğurlu çaparlarla mübarizə aparır. Onların arasında şəxsi konkurda Olimpiya çempionu, isveçrəli Stiv Qerda, Fransanı təmsil edən Avropa çempionu Kevin Staut, dünya reytinqinin lideri, ingiltərəli Skott Braş və digərləri var. Ümumilikdə isə yarışda dünyanın 20 ölkəsindən 41 idmançı çıxış edir. Ən çox idmançını ABŞ (11), Almaniya (5) və Fransa (3) göndərib.

"Warrior" ləqəbli atı ilə çıxış edən Camal Rəhimov Dünya Kubokunun ilk günündə məsafəni itkisiz keçib. İkinci gün isə bir maneəni yıxan çaparımız, kiçik uğursuzluğa baxmayaraq final hissəsində çıxış etmək hüququ qazanan 30 idmançı sırasına daxil ola bilib. Camalın çıxışı mütəxəssislər tərəfindən qeyd olunub və onlar Azərbaycan təmsilçisinin ən gənc iştirakçı olduğunu bildiriblər. Dünya Kubokunun aparıcısı idmançıları təqdim edən zaman Azərbaycan təmsilçinin debüt etdiyini vurğulamağı unutmayıb.

Dünya Kubokunun final hissəsi sabah keçiriləcək. Rəhimov hazırda 24-cü yerdədir. Final mərhələsinə keçmiş SSRİ-dən cəmi 2 idmançı vəsiqə qazanıb. Bunlar Azərbaycan və Latviya təmsilçiləridir.

Qeyd edək ki, Camal Rəhimov Azərbaycanın Polşadakı səfiri, keçmiş Xarici İşlər naziri Həsən Həsənovun nəvəsidir.

Tarix
2014.04.20 / 21:25
Müəllif
Axar.az
Şərhlər
Digər xəbərlər

"Olimpiakos"-"Qarabağ" oyununun hakimləri açıqlandı

ÇL: "Barselona" "İnter"lə qarşılaşacaq

Xavi Messinin transferindən danışdı

Byazi eksperiment aparır, əziyyəti biz çəkirik

Çeferin yenidən UEFA prezidentliyinə namizəd olacaq

UEFA-dan "Qarabağ"la bağlı paylaşım

Qurban Qurbanov nə qədər maaş alır?

Mançester derbisində 9 qol vuruldu

Rus şahmatçılar turnirlərə qatılmalıdırlar – Rəcəbov

İndoneziyada futbol matçında iğtişaş: 127 ölü

KULT
<>
Xəbər xətti
Axar.az'da reklam Bağla
Reklam
Bize yazin Bağla