Türkiyənin taekvando üzrə milli komandası Hollandiyada iştirak etdiyi yarışda 6-sı qızıl olmaqla, 12 medal qazanıb.

Axar.az xəbər verir ki, Türkiyə Taekvando Federasiyasının prezidenti Mətin Şahin “Hollandiyanın nəzakətsizliyinə ən gözəl cavabı medal qazanan idmançılarımız verdi” deyərək, qarşı tərəfin atdığı addımları tənqid edib.

O, taekvandoçu qızların bu uğurunun xanım nazir Fatma Qayaya qarşı edilmiş hörmətsizliyə cavab olduğunu bildirib.

Qeyd edək ki, Hollandiya hökuməti Türkiyənin Ailə və Sosial Siyasətlər naziri Fatma Qayanın Ankaranın Rotterdamdakı konsulluğuna girişinə icazə verməyib.