Martın 16-da futbol üzrə UEFA Avropa Liqasının səkkizdəbir final mərhələsinin cavab oyunlarına start verilib.

Axar.az xəbər verir ki, Türkiyənin “Beşiktaş” klubu Yunanıstanın “Olimpiakos” komandasına böyük hesabla qalib gəlib. Rəqiblərini 4:1 hesabı ilə məğlub edən “Qara qartallar” 1/4 finala vəsiqə qazanıb.

Günün digər matçı Belçikada keçirilib. Səfərdə rəqibini 5:2 hesabı ilə darmadağın edən “Genk” öz meydanında “Gent”i məğlub edə bilməyib. “Genk”1:1 hesablı bərabərliklə növbəti mərhələyə yüksəlib.

İspaniyanın “Selta” klubu isə səfərdə Rusiyanın “Krasnodar” kollektivinə 2:0 hesabı ilə qalib gələrək 1/4 finala vəsiqəni təmin edib.