Ana səhifə İdman |
İyunun 2-də Bakı İdman Sarayında qadın voleybolçular arasında 2018-ci il dünya çempionatının seçmə mərhələsi çərçivəsində “E” qrupunda üçüncü gündə sonuncu görüş Azərbaycan və İsrail milliləri arasında baş tutub. Azərbaycan komandası oyunda 3:0 hesabı ilə qalib gəlib.
Axar.az xəbər verir ki, ilk setdə Azərbaycan komandası 25:9 hesabı ilə asan qələbə qazanıb. Gərgin idman mübarizəsi şəraitində keçən ikinci setdə Azərbaycan komandası 25:14 hesabı ilə üstün olub. Üçüncü seti də qələbə (25:18) ilə başa vuran Azərbaycan komandası matçda qalibiyyətini rəsmiləşdirib.
Hazırda Azərbaycan və Hollandiya milliləri 9 xalla “E” qrupunda liderdirlər. Ukrayna milli komandası 6 xalla ikinci, İsrail 3 xalla üçüncü yerdədir. Norveç və Danimarka komandalarının isə hesabında xal yoxdur.
Azərbaycan millisi növbəti oyununu iyunun 3-də saat 17.30-da Hollandiya yığmasına qarşı keçirəcək.
Tarix
2017.06.02 / 20:23
|
Müəllif
Axar.az
|