Azərbaycanla oyun ağır olacaq. Amma biz ora sərfəli nəticə üçün gedəcəyik.

Qol.az-ın xəbərinə görə, bu sözləri Şimali İrlandiya millisinin futbolçusu Conni Evans deyib. DÇ-2018-in iyunun 10-da Bakıda keçiriləcək oyunu barədə fikirlərini açıqlayan 29 yaşlı müdafiəçi “Dailystar” nəşrinə bidirib ki, bu qarşılaşma onlar üçün dönüş nöqtəsi olacaq.

“Mançester Yunayted”in keçmiş oyunçusu, hazırda “Vest Bromviç”də çıxış edən Evans qeyd edib ki, onlar hər matçda qalib gələ bilərlər: “Yaxın keçmişdə bizi siyahıdan silənlər var idi. Amma son Avropa çempionatı bizim reputasiyamızı yaxşıya doğru dəyişdi və biz bunu qorumaq istəyirik”.