İspan prokurorları məhkəmədən Argentinalı futbolçu Lionel Messiyə qarşı vergi ittihamlarının götürülməsini xahiş ediblər.

Axar.az məlumat verir ki, onlar maliyyə işlərinə Messinin yox, atasının məsuliyyət daşıdığını bildiriblər.
Ötən il Messi atası ilə birlikdə 4 milyon avroya yaxın vergi yayınması ittihamlarına cavab vermək üçün İspaniyada məhkəmədə iştirak edib.

Ata və oğul iddianı təkzib ediblər.

Avqustda onlar 5 milyon avro ödənilməmiş vergi üçün "düzəldici ödəniş" ediblər.

Messinin atası Corc araşdırmada hələ də günahkar olaraq qalır. O, artıq oğlunun vergi məsələsinin məsuliyyətini öz üzərinə götürüb.