21 yaşadək futbolçulardan ibarət millimiz 2019-cu il Avropa çempionatının seçmə mərhələsində növbəti oyununu keçirib.

Axar.az xəbər verir ki, millimiz bu görüşdə də darmadağınla üzləşib: 7:0. Qollardan 3-nü Marsel Hartel vurub. Qalan qolların müəllifləri Nadiem Amiri, Aaron Seydel, Lukas Klostermann və Levin Öztunalı olub.

Oktyabrın 6-da bu kollektivlər arasında Almaniyanın Kottbus şəhərində baş tutan görüşdə də 7 qol vurulub. Lakin həmin vaxt Bundestim 6:1 hesabı ilə qalib gəlib.

Qeyd edək ki, Azərbaycan millisi növbəti oyununu da evdə keçirəcək. Noyabrın 14-də "Dalğa Arena”da baş tutacaq dueldə rəqib Kosova yığması olacaq.